Չինաստանում երկվորյակ եղբայրները 20 տարի շարունակ միևնույն վարորդական իրավունքն են օգտագործել

Չինաստանում բնակվող զույգ եղբայրները 20 տարի շարունակ նույն վարորդական իրավունքից են օգտվել, և ոստիկանությունը նրանց կարողացել է մերկացնել միայն, երբ եղբայրներից մեկն սկսել է ճաղատանալ:

Ինչպես հայտնում է Oddity central-ը, Յան ազգանունով եղբայրները նույն վարորդական իրավունքն են օգտագործել մինչև 2017 թիվը, երբ կրտսեր եղբոր իրավունքը վերցրել էին ոչ սթափ վիճակում վարելու համար:

Դա որևէ խնդիր չէր ստեղծել, քանի որ նրանք շարունակել են օգտագործել ավագ եղբոր վարորդական իրավունքը, որը նույնպես ոստիկաններն առգրավել են գինովցած վիճակում վարելու համար:

Այդ ժամանակ կրտսեր եղբայրն արդեն հետ էր ստացել իր վարորդական իրավունքը, և զույգը շարունակում էր վարել նույն սկզբունքով: Նրանք այդպես օգտվում էին մեկ վարորդական իրավունքից տարիներ շարունակ, սակայն մինչև նրանցից մեկն սկսեց ճաղատանալ:

Օրերից մի օր, երբ նրանցից մեկն ստիպված էր վարորդական իրավունքը ցույց տալ ոստիկանությանը, ոստիկանները որոշեցին ստուգել իրենց տվյալների բազայում, որտեղ տեղեկություն կար երկվորյակ եղբոր մասին, որի հետ նմանությունն արդեն հարյուր տոկոսանոց չէր:

Չինական աղբյուրների համաձայն՝ վարորդը տուգանվել է 2000 յուանով, և նրա նկատմամբ հետաքննություն է սկսվել: