Զելենսկին ընդդեմ Պորոշենկոյի. բոլոր մանրամասները ընտրությունների երկրորդ փուլի մասին

ԿԸՀ-ն պաշտոնապես հաստատել է Ուկրաինայի նախագահական ընտրությունների անցկացման երկրորդ փուլը։ Մարտի 31-ին ընտրություններին մասնակցությունը կազմել է 63,5 տոկոս։ Ընտրացուցակներում ներառված է եղել Ուկրաինայի 29 միլիոն քաղաքացի։ Նրանցից քվեաթերթիկ է ստացել ավելի քան 18 միլիոն մարդ, տեղեկացնում է ՈւՆԻԱՆ-ը։

Ընտրողների ակտիվությունն Ուկրաինայի սահմաններում կազմել է 63,2 տոկոս։ Համեմատության համար. 2014 թվականի նախագահական ընտրությունների ժամանակ ընտրողների ակտիվությունը կազմել է 60 տոկոս։ Արտասահմանում ուկրաինացիները հերթ են կանգնել, որպեսզի հասցնեն քվեարկել։ Երկրորդ փուլ են անցել Վլադիմիր Զելենսկին եւ Պյոտր Պորոշենկոն։

Արձանագրությունների 98 տոկոսի տվյալներով՝ Վլադիմիր Զելենսկուն ձայն է տվել ընտրողների 30,26 տոկոսը։ Պյոտր Պորոշենկոյին իր ձայնն է տվել ընտրողների 15,92 տոկոսը։ Ընտրությունների երկրորդ փուլը տեղի կունենա ապրիլի 21-ին, կիրակի։ Իսկ մայիսի 1-ին ԿԸՀ-ն պետք է անվանի Ուկրաինայի նոր նախագահի անունը։