Նատաշա Կորոլյովան շնորհավորել է Զելենսկուն

ՌԴ-ում և Ուկրաինայում հայտնի երգչուհի Նատաշա Կորոլյովան շնորհավորել է Վլադիմիր Զելենսկուն Ուկրաինայի նախագահական ընտրություններին առաջին փուլի հաղթանակի կապակցությամբ, գրում է РИА Новости-ն:

Նա նշել է, որ Զելենսկուն շատ է օգնել իր անունը.
«Կեցցե՛ս, շնորհավորում եմ, բոլոր Վովաները տաղանդավոր են, երևի թե անունն ազդում է, սակայն սա դեռ միայն առաջին փուլն է»:
Հիշեցնենք, որ երեկ Ուկրաինայի Կենտրոնական ընտրական հանձնաժողովը հրապարակել էր քվեաթերթիկների 90.08 %-ի հաշվարկի արդյունքները: Նոր հրապարակված արդյունքները, սակայն, չեն փոխել ավելի վաղ ներկայացված պատկերը:
Interfax-ի փոխանցմամբ՝ նախագահական ընտրություններում առաջատարը երգիծաբան Վլադիմիր Զելենսկին է: Նրա օգտին է քվեարկել ընտրողների 30.26%-ը:

Զելենսկուն գրեթե երկու անգամ զիջում է գործող նախագահ Պյոտր Պորոշենկոն: Նրա օգտին է քվեարկել ընտրողների 15.99%-ը:

Ինչպես հաղորդում է Ուկրաինայի ԿԸՀ-ն, երրորդ տեղում «Բատկիվշինա» կուսակցության ղեկավար Յուլյա Տիմոշենկոն է՝ ձայների 13.35%-ով: Իսկ «Հանուն կյանքի» ընդդիմադիր բլոկի թեկնածու Յուրի Բոյկոյի օգտին է քվեարկել ընտրողների 11.53%-ը:

Անվավեր է ճանաչվել քվեաթերթիկների 1.18%-ը:

Այս թեմայով Դմիտրի Մեդվեդեւը՝ Ուկրաինայի նորընտիր նախագահի մասին Հայտնի է` երբ տեղի կունենա Զելենսկու երդմնակալությունը «Ուկրաինան վերափոխվելու ևս մեկ հնարավորություն ստացավ». Տիմոշենկո Կրեմլը հրաժարվել է շնորհավորել Զելենսկիին հաղթանակի կապակցությամբ Ուկրաինայի նախագահական ընտրություններում հաղթած Զելենսկիի առաջին 7 խոստումները. (տեսանյութ)