Վլադիմիր Պուտինը Վլադիմիր Բեգիյանին հետմահու պարգեւատրել է «Զոհվողների փրկության համար» մեդալով

Ռուսաստանի նախագահ Վլադիմիր Պուտինը «Զոհվողների փրկության համար» մեդալով պարգեւատրել է «Սոչիի միջազգային օդանավակայան» ԲԸ-ի միջոցների կառավարման կենտրոնի ղեկավար Վլադիմիր Բեգիյանին։ Պարգեւը շնորհվել է հետմահու, հրամանագիրը հրապարակվել է իրավական տեղեկատվության կայքում՝ հայտնում է «Կոմերսանտը»։

Վլադիմիր Բեգիյանը մահացել էր 2018թ․ սեպտեմբերի 1-ին՝ սրտի նոպայից, երբ փրկում էր Utair ավիաընկերության Boeing-737 ինքնաթիռի ուղեւորներին։ Ինքնաթիռը, որն իրականացնում էր Մոսկվա-Սոչի չվերթը, վայրէջքի ժամանակ դուրս էր եկել թռիչքուղուց, սահել դեպի Մզիմտի գետի հունը եւ այրվել։ Սրահում կար 166 մարդ, որոնցից 18-ը տուժել են։

Բեգիյանն առաջիններից մեկն է եկել դեպքի վայր, նա համակարգում էր օդանավակայանի ծառայությունների աշխատանքը եւ կազմակերպում ուղեւորների տարհանումը։ Փրկարարական աշխատանքների ժամանակ տղամարդն իրեն վատ է զգացել, նա մահավել է հիվանդանոցում՝ սրտի կաթվածից։