Ինչպես է արքայադուստր Դիանայի ոճը ոգեշնչում Քեյթ Միդլթոնին (լուսանկարներ)

Քեմբրիջի դքսուհի Քեյթ Միդլթոնը թագավորական ընտանիքի անդամ դառնալուց հետո համարվում է նրբաճաշակության և էլեգանտության խորհրդանիշ: Ոճային նախասիրությունների առումով նրան հաճախ համեմատում են հանգուցյալ սկեսրոջ՝ արքայադուստր Դիանայի հետ:

Ինչպես նշում է Tatler-ը, երբեմն դքսուհին միտումնավոր է կրկնօրինակում Լեդի Դիի ոճը: Օրինակ՝ 2018թ. երրորդ ծննդաբերությունից հետո հիվանդանոցից դուրս գրվելու ժամանակ Միդլթոնը հագուստի հարցում ակնհայտորեն ոգեշնչվել է արքայադուստր Դիանայի՝ երկրորդ ծննդաբերությունից հետո ներկայացած կերպարով:

Երբեմն էլ Միդլթոնն ընտրում է ճիշտ նույն ձևվածքի ու գույնի հագուստ, որը կրում էր նաև սկեսուրը: Եվ հատկանշական է, որ նա այդ հանդերձներով հայտնվում է այն միջոցառումներին, որոնց նմանատիպ հագուստներով ներկա է եղել արքայադուստր Դիանան:

Ստորև ներկայացնում ենք Tatler-ի ուշագրավ ֆոտոշարքը, որն առաջարկում է ուսումնասիրել Քեմբրիջի դքսուհու և արքայադուստր Դիանայի ոճային նմանությունները.