Սանկտ Պետերբուրգում առեւանգել են ՆԳ նախարարության գնդապետի ավտոմեքենան

Ռուսաստանի ՆԳՆ Սանկտ Պետերբուրգի Ֆրունզեի շրջանի վարչության պետի օգնական Սվետլանա Կորոտկովայի ավտոմեքենան առեւանգել են նրա տան բակից՝ հայտնում է Lenta.ru-ն։

Թերթի տվյալներով, Կորոտկովան իր մոխրագույն Mitsubishi ASX-ը մարտի 28-ին կայանել է Դոբլեստի փողոցում գտնվող իր տան բակում։ Առավոտյան նա հայտնաբերել է, որ ավտոմեքենան անհետացել է։ Դրա մոտավոր արժեքը 1,3 միլիոն ռուբլի է։ Նշվում է, որ տուժողը ավտոմեքենան բոլորովին վերջերս է ձեռք բերել։

Առայժմ առեւանգված ավտոմեքենան չի հայտնաբերվել։