Պորոշենկոն և Զելենսկին չեն ներկայացել բանավեճին, Տիմոշենկոն եկել է, ներողություն խնդրել ու հեռացել
Ուկրաինայի «UA Առաջին» հանրային հեռուստաընկերության եթերում չի կայացել Ուկրաինայի նախագահի երեք թեկնածուների՝ Պետրո Պորոշենկոյի, Յուլյա Տիմոշենկոյի և Վլադիմիր Զելենսկիի բանավեճը: Ինչպես հայտնում է meduza.io-ն՝ «Գրոմադսկե» հեռուստաընկերությանը հղումով, Պորոշենկոն և Զելենսկին չեն ժամանել բանավեճին: Տիմոշենկոն եկել է, շնորհակալություն հայտնել կազմակերպիչներին, ներողություն խնդրել ու հեռացել:
«Հաղորդավարներն ու հրավիրված լրագրողները Տիմոշենկոյին համոզում էին չհեռանալ, անգամ սկսեցին սուր հարցադրումներ ուղղել, սակայն վերջինս հավատարիմ մնաց իր որոշմանն ու լքեց բանավեճի վայրը»,- փոխանցում է «Ուկրաինսկայա պրավդան»:
Հիշեցնենք, որ Ուկրաինայի նախագահի ընտրությունները կկայանան առաջիկա կիրակի օրը՝ մարտի 31-ին: Հարցման արդյունքում ամենամեծ վարկանիշն ունի Վլադիմիր Զելենսկին, որը ՈՒՀԱ-ի նախկին անդամ է, հումորիստ: Նրա անունը սերտորեն կապում են գործարար Իգոր Կոլոմոյսկիի հետ, որն Ուկրաինայի ամենահարուստ մարդկանցից մեկն է:
Հարցման արդյունքը նաև ցույց է տվել, որ Զելենսկիի հետ միասին ընտրությունների երկրորդ փուլ դուրս կգա կամ Պորոշենկոն, կամ Տիմոշենկոն:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Մելանշոնը հավանական առաջատար թեկնածուներից մեկն է
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Ամերիկան պատմության մեջ հսկայական քայլ հետ կատարեց
Կներդրվի բռնության ենթարկված երեխայի հայտնաբերման մեխանիզմ
Մոսկվայում մեկնարկել է ԱՊՀ ԱԽ քարտուղարների հանդիպումը. Հայաստանը ևս մասնակցում է