«Դեղին բաճկոնների» շարժման ոչ ֆորմալ առաջնորդը տուգանվել է 2000 եվրո

«Դեղին բաճկոնների» շարժման ոչ ֆորմալ առաջնորդ Էրիկ Դրուեն պետք է վճարի 2000 եվրո տուգանք, որից 500-ը՝ պայմանական, 2018-ի դեկտեմբերին եւ 2019-ի հունվարին «փարիզյան երկու ցույցերի «կազմակերպման» համար, քանի որ նախապես չէր հայտարարվել դրանց անցկացման մասին։ Դրուեն Փարիզի դատարանի վճիռն ստացել է մարտի 29-ին, տեղեկացնում է RFI-ը։

Մեղադրող կողմը Դրուեի համար պահանջում էր մեկ ամիս բանտարկություն պայմանական եւ 500 եվրո տուգանք։ Էրիկ Դրուեն չեկավ դատարան «պրոֆեսիոնալ պատճառներով»։ Նա նաեւ հրաժարվում է ընդունել, որ շարժման առաջնորդն է եւ կազմակերպիչը։

Դեկտեմբերի 22-ին Դրուեն ստորագրել է նախնական հայտարարագիր Վերսալում ցույց անցկացնելու մասին, բայց ուղեւորվել է դեպի Փարիզ, որտեղ կալանվել է Ելիսեյան դաշտերից ոչ հեռու։

Դատարանն իր վճիռը հայտարարելէ շարժման քսաներորդ ակցիայի նախօրեին, որը պետք է տեղի ունենա շաբաթ օրը։