Տասնյակ հազարավոր բրիտանացիներ դուրս են եկել ցույցի՝ պահանջելով Brexit-ի հարցով կրկնակի հանրաքվե

Տասնյակ հազարավոր բրիտանացիներ Լոնդոնի կենտրոնով երթի են դուրս եկել՝ պահանջելով Brexit-ի հարցով կրկնակի հանրաքվե՝ հայտնում է BBC News-ը։

Put It To The People շարժման մասնակիցները անցնում են Լեյն Պարկից մինչեւ Խորհրդարանական հրապարակ եւ հավաքվում են խորհրդարանի շենքի մոտ։

Ցույցը տեղի է ունենում Brexit-ի ժամկետը հետաձգելու ԵՄ համաձայնագրի ֆոնին։ Ավելի վաղ Թերեզա Մեյը հայտարարել էր, որ ինքը կխափանի կրկնակի հանրաքվեի ծրագիրը, եթե իր ծրագիրը աջակցություն չգտնի խորհրդարանականների կողմից։

Եթե վարչապետի ծրագիրը խափանվի, Մեծ Բրիտանիան ստիպված կլինի առաջնորդվել այլընտրանքային ծրագրով կամ ապրիլի 12-ին ԵՄ-ից դուրս գալ առանց որեւէ գործարքի։