Ցույցեր Ղազախստանում, կան բերման ենթարկվածներ
Ղազախստանում ոստիկանությունն այսօր բերման է ենթարկել տասնյակ ցուցարարների, որոնք բողոքի ցույց են անցկացրել՝ Աստանան նախկին նախագահի պատվին Նուրսուլթան անվանելու դեմ։
Բերման ենթարկվածների թվում է նաև Current Time-ի թղթակից Սվետլանա Գլուսկովան։
Ոստիկանների և մի քանի ցուցարարների միջև քաշքշուկ է սկսվել, երբ ոստիկանները փորձել են ցուցարարների ձեռքից վերցնել պաստառները։
Երեկվա բողոքի ակցիաների ժամանակ մոտ երկու տասնյակ ակտիվիստներ են բերման ենթարկվել։
Ղազախստանի խորհրդարանը քաղաքի անունը փոխելու որոշումն ընդունեց մի քանի ժամվա ընթացքում: Առաջարկը ներկայացրել էր երկրի նոր նախագահ Քասիմ-Ժոմարտ Տոկաևը՝ լիազորությունները ստանձնելուց անմիջապես հետո:
Վերջինս պաշտոնավարելու է մինչև 2020 թվականին կայանալիք ընտրությունները: Մի քանի թեկնածուներ արդեն հայտարարել են այդ ընտրություններին մասնակցելու մասին, նրանց թվում է նաև Ղազախստանի նախկին նախագահի ավագ դուստրը՝ Դարիգա Նազարբաևան, ով երեկ ստանձնել է խորհրդարանի խոսնակի պաշտոնը:
Ղազախստանը երեք տասնամյակ ղեկավարած Նուրսուլթան Նազարբաևը մարտի 19-ին հայտարարեց նախագահի պաշտոնից իր հրաժարականի մասին, բայց չհեռացավ քաղաքականությունից՝ 78-ամյա Նազարբաևը կղեկավարի երկրի Անվտանգության խորհուրդը:
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
Առաջիկա օրերին Հայաստան կմատակարարվի իրանական հեղուկ գազ, ինչը կարող է նպաստել գների նվազմանը. Պապոյ...
ԱՄՆ-ն Չինաստանի օգնության կարիքը չունի Իրանի հարցում. Ռուբիո
Ուկրաինական AI դրոնները կաթվածահար են անում մատակարարման ուղիները
ԱՄՆ-ն համաձայնել է սառեցնել Իրանի դեմ պատժամիջոցները.Tasnim
Ռուսաստանը և Ուկրաինան իրականացրել են «205-ը 205-ի դիմաց» ձևաչափով ռազմագերիների փոխանակում
Եղբայրները կառուցվող մանկապարտեզից գողություն են կատարել
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
Երևանը պատրաստվում է COP17-ին