«Գժվե՞լ ես». Պուտինն ուկրաիներեն դիմել է Կիևի իշխանություններին

Ռուսաստանի Դաշնության նախագահ Վլադիմիր Պուտինը Սևաստոպոլում Ղրիմի հանրային գործիչների հետ հանդիպման ժամանակ ուկրաիներեն դիմել է Կիևի իշխանություններին:

Ինչպես նշում է eadaily.com կայքը, Պուտինը, մասնավորապես, իր դժգոհությունն է հայտնել Ուկրաինայի իշխանությունների վարած քաղաքականության առնչությամբ:

«Այդպես էլ ուզում ես ուկրաիներեն հարցնել՝ «З глузду з'їхав, чи шо?»՝ «Գժվե՞լ ես»,-ասել է ՌԴ նախագահը:

Միևնույն ժամանակ Պուտինն ընդգծել է, որ ռուս և ուկրաինացի ժողովուրդները վեճի մեջ չեն, սակայն Կրեմլը չի կարողանում փոխհամաձայնության գալ Ուկրաինայի ներկայիս իշխանությունների հետ:

ria.ru-ն հավելում է, որ Կիևի այժմյան իշխանությունների հետ հարաբերություններից խոսելիս Պուտինն ասել է, որ «նրանց հետ դժվար թե հնարավոր լինի շիլա եփել ու ինչ-որ դրական արդյունքի հասնել հարաբերությունների բարելավման հարցում»: