«Ամերիկա, հաշվի առ սա». Քիմ Քարդաշյանը կոչ է արել հետևել Նոր Զելանդիայի օրինակին ու խստացնել զենքի պահման օրենքները

Ամերիկահայ հեռուստաաստղ Քիմ Քարդաշյանը, որը Միացյալ Նահանգներում զենքի գնման և պահման օրենքների խստացման ակտիվ կողմնակից է, ողջունել է Նոր Զելանդիայի իշխանությունների՝ այդ օրենքներն արմատապես փոխելու որոշումը:

Ինչպես նշում է Daily Mail-ը, նորզելանդական իշխանությունները որոշումը կայացրել են օրերս Քրայսթչերչ քաղաքի երկու մզկիթներում 50 մարդու կյանք խլած հարձակման իրագործումից հետո: «Քրայսթչերչում կատարված հրաձգությունից 24 ժամ անց Նոր Զելանդիան արգելում է կիսաավտոմատ հրացանները: Ամերիկա, հաշվի առ սա. ինչո՞ւ մեր կողմից ընտրված պաշտոնյաները չեն կարող հանրային անվտանգությունը զենք արտադրողների շահույթից առաջնային դասել»,- գրել է Քարդաշյանը:

Նրան աջակցել է կրտսեր քույրը՝ Քլոեն՝ գրելով. «Այո՛, քույրս, եկեք վերջ դնենք այս անմիտ բռնությանը»:

Հիշեցնենք, որ հրձակման իրագործումից հետո Նոր Զելանդիայի վարչապետ Ջասինդա Արդերնը խոստացել էր փոխել զենքի պահման օրենքները, իսկ գլխավոր դատախազը խոստացել է արգելել կիսաավտոմատ հրացանների օգտագոծումը:

Արյունալի հարձակման կասկածյալը Ավստրալիայի 28-ամյա քաղաքացի Բրենթոն Տարանտն է, որը 50 մարդ սպանելու համար 5 հրացան է օգտագործել: Երիտասարդն ունեցել է փաստաթղթային թույլտվություն, ինչը նրան հնարավորություն է տվել օրինական ճանապարհով գնել զենքերը:

Այս թեմայով «Ես միշտ ճանապարհներ եմ փնտրում Հայաստանին աջակցելու համար»․ Քիմ Քարդաշյան (տեսանյութ) «Ես միշտ ճանապարհներ եմ փնտրում Հայաստանին աջակցելու համար»․ Քիմ Քարդաշյան (տեսանյութ) «ԱՄՆ-ի անեծքը». Քիմ Քարդաշյանը մերկ նկարահանվել է դրոշի ֆոնին Fendi-ն հավաքածու է պատրաստում Քիմ Քարդաշյանի հետ «Ես չեմ խնդրել հայուհի լինել։ Իմ բախտը պարզապես բերել է». Քիմ Քարդաշյան