Ֆիլիպիններում ափ նետված կետի ստամոքսում 40 կգ պոլիէթիլենային տոպրակ է հայտնաբերվել

Ֆիլիպիններում ափ նետված երիտասարդ կետը, որի ստամոքսում 40 կգ պոլիէթիլենային տոպրակ է հայտնաբերվել, սատկել է «գաստրիկ շոկից»:

Ինչպես նշում է theguardian.com կայքը, միջադեպը տեղի է ունեցել Մինդանաո կղզում: Ծովային կենսաբաններն ուղղակի շոկի են մատնվել, երբ պարզել են ՝ինչն է կաթնասունի սատկելու պատճառը:

Կետի ստամոքսում հայտնաբերվել են բրնձային ուտեստների, բանանի, ինչպես նաև առևտրային տոպրակներ. այդ ամենը հայտնաբերվել է կետի հերձման արդյունքում:

Հերձման լուսանկարներում պարզորոշ երևում են ստամոքսից հանված աղբի կույտերը:
D’ Bone Collector Museum թանգարանի կենսաբանները, որոնք իրականացրել են հերձումը, նշել են, որ սա կետի մարմնում իրենց կողմից պլաստիկի հայտնաբերման խոշորագույն դեպքն է:
«Սա ուղղակի գարշելի է: Կառավարությունը պետք է քայլեր ձեռնարկի նրանց դեմ, ովքեր ծովերին ու օվկիանոսներին վերաբերվում են աղբանոցների պես»,-ասել է թանգարանի ներկայացուցիչը:

2017թ. տվյալներով՝ Չինաստանը, Ինդոնեզիան, Ֆիլիպինները, Թաիլանդը և Վիետնամն ավելի շատ պլատիկ են թափել համաշխարհային օվկիանոս, քան մնացած պետությունները: