ԱՄՆ-ը պատրաստվում է 10 000-ից ավելի հրթիռ գնել Ռուսաստանին և Չինաստանին դիմակայելու համար

ԱՄՆ պետդեպը ցանկանում է ավելի քան 10 000 կառավարվող հրթիռ գնել, որոնք կարող են օգտագործվել Ռուսաստանի և Չինաստանի դեմ, այս մասին գրում է Task and Purpose պորտալը։

Ըստ աղբյուրի՝ Պենտագոնում մտադիր են 2020 թվականի բյուջեի նախագծում ներառել համազարկային կրակի ռեակտիվ 10 193 հրթիռ, ինչը 26 տոկոսով ավելի է 2019-ի բյուջեով նախատեսվածից։ Հաղորդվում է նաև, որ այս հրթիռների համար ԱՄՆ-ը կծախսի 1,4 մլրդ դոլար։

Հոդվածի հեղինակները կարծում են, որ ծախսերի ծավալի մեծացումը պայմանավորված է Պենտագոնի համար որոշակի առաջնահերությունների փոփոխությամբ՝ կապված «Իսլամական պետություն» ահաբեկչական խմբավորման նկատմամբ հայտարարված հաղթանակի հետ։

Նշվում է, որ այժմ Պենտագոնը նպաատակ ունի հզորացնել իր համազարկային կրակի ցամաքային համակարգերն անհրաժեշտության դեպքում Ռուսաստանին ու Չինաստանին դիմակայելու համար։