Brexit-ի հարյուրավոր կողմնակիցներ Սանդերլենդից երթով ուղևորվում են Լոնդոն, ուր մտադիր են հասնել մարտի 29-ին

Եվրամիության կազմից Մեծ Բրիտանիայի դուրս գալու հարյուրավոր կողմնակիցներ շաբաթ Սանդերլենդ քաղաքից երթով շարժվել են դեպի Լոնդոն:

Ինչպես հայտնում է РИА Новости-ն, մայրաքաղաքի Վեսմինսթեր կառավարական թաղամաս ակտիվիստները մտադիր են հասնել մարտի 29-ին: Սանդերլենդը գտնվում է Լոնդոնից 435 կմ դեպի հյուսիս:

«Այն, ինչ տեղի էր ունենում խորհրդարանում այս շաբաթ, խոսում է այն մասին, որ մենք կարող ենք դուրս չգալ ԵՄ-ից: Եթե քաղաքական գործիչները մտածում են, որ կարող ենք թքած ունենալ մեզ վրա, ապա մենք երթով կուղևորվենք նրանց մոտ և կասենք, որ դա այդպես չէ», - լրագրողներին երթի մեկնարկին ասել է Մեծ Բրիտանիայի Անխակության կուսակցության նախկին ղեկավար և նախկին եվրախորհրդարանական Նայջել Ֆարաջը:

Ընդհանուր առմամբ, կազմակերպիչների գնահատումներով, երթին մասնակցում են 100-200 մարդ: Ինչպես նշվում է, երթին մասնակցողների թիվը մեծ չէ, քանի որ մասնակցության համար գրանցումը վճարովի է եղել: Վճարը կազմում է 50 ֆունտ, որը նախատեսված է սննդի և կացարանի համար, որը նրանց պետք կգա ճանապարհին:

Հիշեցնենք, որ հաջորդ քննարկումը ԵՄ կազմից դուրս գալու հարցով բրիտանական խորհրդարանում կայանալու է մարտի 29-ին:

Օրեր առաջ պատգամավորները կողմ են քվեարկել Brexit-ի հետաձգմանը: