Մինչեւ 2050թ․ Ավստրալիան կզրկվի ձմեռվանից

Մինչեւ 2050թ․ Ավստրալիան կզրկվի ձմեռվանից՝ հայտնում է Americaru-ն։

Վիզուալ դիզայնի եւ կլիմայի փոփոխությունների մասնագետները միավորվել են, որպեսզի օգնեն ավստրալիացիներին հասկանալ, թե որքան կտեւի նրանց մոտ եղանակների հերթափոխումը։ Վիզուալացումը ցույց է տվել, որ այնպիսի ձմեռը, ինչպիսին այժմ գիտեն ավստրալիացիները, կանհետանա, որբ «նոր ամառը»՝ ջերմաստիճանի 40ºC-ից ավելի կայուն բարձրացումներով, սովորական դառնա։

Արվեստի եւ դիզայնի դպրոցի ու Ավստրալիայի ազգային համալսարանի կլիմայի փոփոխությունների հարցերով ինստիտուտի գիտնականները ստեղծել են մի սարք, որը թույլ է տալիս օգտատերերին տեսնել, թե ինչպես կլիմայի փոփոխությունը կազդի ողջ Ավստրալիայի տարածքով հազարավոր քաղաքների վրա։ Պարզվել է, որ արդեն 30 տարի հետո մայրցամաքում եղանակը կփոխվի այնքան, որ ձմեռ այլեւս չի լինի։