Տիմոշենկոն նախընտրական մրցապայքարում իր տեղը զիջել է Պորոշենկոյին, առաջատարը շարունակում է մնալ ուկրաինացի շոումեն Զելենսկին

Ուկրաինայի գործող նախագահ Պյոտր Պորոշենկոն նախընտրական մրցապայքարում առաջ է անցել երկրի նախկին վարչապետ, ընդդիմադիր «Հայրենիք» կուսակցության առաջնորդ Յուլիա Տիմոշենկոյից, որն ավելի վաղ իր վարկանիշով փոքր տոկոսային տարբերությամբ առաջ էր անցել Պորոշենկոյից:

Ինչպես գրում է «ՌԻԱ Նովոստի» գործակալությունը, նախընտրական մրցապայքարը շարունակում է գլխավորել ուկրաինացի շոումեն և հումորիստ Վլադիմիր Զելենսկին, որի օգտին, ըստ վերջին հարցումների, պատրաստ է քվեարկել քաղաքացիների 27.7 տոկոսը:

«Սոցիս» կենտրոնի անցկացրած հարցումները ցույց են տալիս, որ Զելենսկիին հաջորդում է գործող նախագահ Պորոշենկոն, որն ունի հարցվածների 19.6 տոկոսի վստահությունը:

Տիմոշենկոյի օգտին պատրաստ է ձայն տալ հարցվածների միայն 14.8 տոկոսը:

Հիշեցնենք, որ Ուկրաինայում նախագահական ընտրությունները կանցնեն մարտի 31-ին: