Սաակաշվիլին հայտարարել է, որ Պորոշենկոն ցանկացել է Ղրիմը «փոխարինել» ԵՄ-ին և ՆԱՏՕ-ին Ուկրաինայի անդամակցության հետ

Վրաստանի նախկին նախագահ և Օդեսայի շրջանի նախկին նահանգապետ Միխեիլ Սաակաշվիլին հայտարարել է, որ Ուկրաինայի նախագահ Պյոտր Պորոշենկոն 2014 թվականին ցանկացել է Ղրիմը փոխարինել Եվրամիությանը և ՆԱՏՕ-ին Ուկրաինայի անդամակցության հետ: Այդ մասին РИА Новости-ի փոխանցմամբ` Սաակաշվիլին ասել է լրագրող Դմիտրի Գորդոնին տված հարցազրույցում:

«Ես այդ ժամանակ զրուցել եմ Պորոշենկոյի հետ, և նա ինձ հետևյալն է ասել` «դու համակերպվել ես չէ այն մտքի հետ, Հարավային Օսիան և Աբխազիան այլևս երբեք չեն վերադառնա Վրաստանի կազմ, նույն ձևով էլ մենք պետք է համակերպվենք այն մտքի հետ, որ Ղրիմն այլևս Ուկրաինայինը չի լինելու, բայց մենք դա կարող ենք փոխարինել Եվրամիությանն ու ՆԱՏՕ-ին անդամակցությամբ»»,- պատմել է Սաակաշվիլին:

Հիշեցնենք, որ Ղրիմը Ռուսաստանի մաս է դարձել 2014 թվականի հանրաքվեից հետո, որը հաջորդեց Ուկրաինայում նույն թվականի փետրվարին տեղի ունեցած պետական հեղաշրջմանը:

Վրաստանի նախկին նախագահը նաև նշել է, որ ապրիլի 1-ին մտադիր է վերադառնալ Ուկրաինա: Նա վստահություն է հայտնել, որ որևէ սահմանապահ ստիպված չի լինի կատարել Պորոշենկոյի հրամանը և չի խոչընդոտի իր մուտքը երկիր, քանի որ այդ ժամանակ նա այլևս չի զբաղեցնելու Ուկրաինայի նախագահի պաշտոնը:

Այս թեմայով Սահակաշվիլին պատմել է, թե ինչպես է Թրամփը հարցրել իր կարծիքը նախագահի պաշտոնում առաջադրվելու մասին Սաակաշվիլին Հայաստանի և Ադրբեջանի ղեկավարներին կոչ է անում դիտարկել Ուկրաինայի և Մոլդովայի օրինակը Սաակաշվիլին հայտարարել է, որ ցանկանում է մահվանից հետո թաղվել Ուկրաինայում Սաակաշվիլին հրաժարվել է արյուն հանձնել քննության համար. Վրաստան Սաակաշվիլին այլեւս չի զբաղվի քաղաքականությամբ