Գերմանիան իր օդային տարածքը փակում է Boeing 737 MAX 8 ինքնաթիռների համար

Եթովպիայում Boeing 737 MAX 8 ինքնաթիռի կործանումից հետո Գերմանիայի օդային տարածքը կփակվի այդ տեսակի օդանավի համար: РИА Новости-ի փոխանցմամբ՝ այս մասին հայտնել է երկրի տրանսպորտի նախարարության ներկայացուցիչը:

Ավելի վաղ գերմանական Tui խոշորագույն տուր-օպերատորը հրաժարվել է Boeing 737 MAX 8-ի օգտագործումից:

Մեծ Բրիտանիայի քաղավիացիայի վարչությունը նույնպես որոշում է կայացրել ժամանակավորապես դադարեցնելու Boeing 737 MAX ինքնաթիռի օգտագործումը:

Հիշեցնենք, որ ամերիկյան Boeing 737 MAX մոդելի ինքնաթիռի օգտագործումից հրաժարվել են Սինգապուրը, Ավստրալիան, Վիետնամը, Օմանը, Չինաստանը:

Բացի դրանից, լատինամերիկյան 3 ավիաընկերություն ժամանակավորապես դադարեցրել է Boeing 737 MAX ինքնաթիռների օգտագործումը:

Ethiopian Airlines ավիաընկերության Boeing 737 MAX 8 օդանավը կործանվել էր մարտի 10-ին Ադիս Աբեբայից Նայրոբի թռիչքի ժամանակ՝ օդ բարձրանալուց 6 րոպե անց: Օդանավում գտնվող 157 ուղևորն ու անձնակազմի անդամը զոհվել են: