«Ռեալի» նախկին գլխավոր մարզիչ Զինեդին Զիդանը հրաժարվել է վերադառնալ ակումբ

«Ռեալի» նախկին գլխավոր մարզիչ Զինեդին Զիդանը հրաժարվել է վերադառնալ մադրիդյան ակումբ, վստահեցնում է El Pais-ը: Նշվում է, որ թիմի նախագահ Ֆլորենտինո Պերեսն ակումբի աշխատակիցներին խնդրել է կապ հաստատել ֆրանսիացի մասնագետի հետ, սակայն Զիդանը մերժել է:

Ընդ որում, պարբերականը նշում է, որ «Յուվենտուսը» պաշտոնական առաջարկ է արել 46-ամյա Զիդանին` գլխավոր մարզչի պաշտոնում Մասիմիլիանո Ալեգրիին փոխարինելու վերաբերյալ:

Ավելի վաղ ԶԼՄ-ներում տեղեկություն էր տարածվել այն մասին, որ Զիդանն այցելել է Թուրին և հանդիպել «Յուվենտուսի» ներկայացուցիչների հետ:

Ալեգրին, որը 2014 թվականից է աշխատում թուրինյան ակումբում, ընթացիկ մրցաշրջանի ավարտին կարող է հեռանալ: «Յուվենտուսը», որը 75 միավոր է վաստակել, գլխավորում է Իտալիայի առաջնության մրցաշարային աղյուսակը: Մարտի 12-ին թուրինցիները սեփական հարկի տակ ՉԼ-ի 1/8 եզրափակչի պատասխան խաղը կանցկացնեն Մադրիդի «Աթլետիկոյի» հետ: