Բենզեմա. Հուսով եմ` Սոլարին մինչև մրցաշրջանի ավարտը կմնա «Ռեալում»
«Ռեալի» հարձակվող Կարիմ Բենզեման մեկնաբանել է իր թիմի հաղթանակն Իսպանիայի առաջնության 27-րդ տուրի` «Վալյադոլիդի» հետ խաղում (4:1), ինչպես նաև կարծիք է հայտնել թիմի գլխավոր մարզիչ Սանտյագո Սոլարիի մասին.
«Մեզ մոտ բարդ շրջան է, բայց այդպիսին է ֆուտբոլը: Մենք պետք է աշխատենք ու փորձենք հաղթել Պրիմերայի մնացած 11 խաղերում: Ցանկանում ենք հաճույք ստանալ մեր խաղից, հաղթանակներ տանել, որպեսզի մեզ հնարավորինս շատ մարդ հետևի: Ես նկատի ունեմ ոչ միայն երկրպագուներին, այլև` լրագրողներին: Երբ ես ասում եմ մարդիկ, նկատի ունեմ բոլորին:
Չեմ ասում, որ ԶԼՄ-ները պետք է մեր հետ լինեն, բայց պետք չէ մոռանալ, որ մենք շատ տիտղոսներ ենք նվաճել, և դա կարևոր է: Ես սա ասում եմ միայն այն պատճառով, որ մենք շատ բան ենք հաղթել վերջին տարիներին: Չէ՞ որ, երբ մենք պարտվեցինք «Այաքսին», այնպիսի տպավորութուն էր, թե մենք ոչնչի չենք հասել:
Մենք շատ կուռ թիմ ունենք: Հուսով եմ` Սոլարին կմնա «Ռեալում» մինչև ընթացիկ մրցաշրջանի ավարտը: Եթե մենք չաջակցեինք մարզչին, չէինք խաղա այնպես, ինչպես` «Վալյադոլիդի» հետ: Ինչո՞ւ հիմա փոխել մարզչին: Մրցաշրջանի ավարտին 11 խաղ է մնացել, ու մենք հույս ունենք, որ նա կմնա մեզ հետ»,- Բենզեմայի խոսքերն է փոխանցում Marca-ն:
Երրորդ համաշխարհային պատերազմը սկսվեց. Զալուժնի
Անդրեասյանը գիշերը հաղորդագրություններ է ուղարկել մի շարք դատավորների
Կրակոց՝ նաև ՆԳ նախարարի հրաժարականից հետո
Արգիշտի Քյարամյանը՝ ՊՎԾ պետ. Նիկոլ Փաշինյանը որոշում ունի
Բա ես ու իմ կարգավիճակի մարդիկ ի՞նչ անեն․ Սոֆյա Հովսեփյան
Ուկրաինան առաջին անգամ ՌԴ տարածքին հարվածել է ATACMS բալիստիկ հրթիռներով
Սա տգիտությունից բացի նաև ստորություն է. Լեւոն Քոչարյանը՝ Փաշինյանի աղմկահարուց հայտարարության մասին
Գեներալ Կարակաևը Պուտինի հետ խորհրդակցությունում. ռուսական «Орешник»-ն ի վիճակի է թիրախներ խոցել ամբ...
Պաշտոնանկության երկրորդ ալիքն էլ է լինելու. հաջորդը ովքե՞ր են SMS ստանալու
Ազգերի լիգա. հայտնի է Հայաստանի հավաքականի մրցակիցների վերջնական ցանկը