Ուր կարող է փախչել Պորոշենկոն ընտրություններից հետո

Ուկրաինայի նախագահ Պյոտր Պորոշենկոն կարող է փախչել Իսպանիա կամ Մոլդովա, եթե նա պարտվի առաջիկա նախագահական ընտրություններին, հայտարարել է Վերին Ռադայի «Պյոտր Պորոշենկո» խմբակցության պատգամավոր Սերգեյ Լեշչենկոն, որը խմբակցությունից դուրս գալու դիմում է գրել, հաղորդում է РИА Новости-ն:

«Կարծում եմ, որ եթե Պորոշենկոն չհաղթի, նա կարող է փախչել երկրից: Խնդիրն այն է, որ ընտրություններից հետո նորընտիր նախագահի, ինչպես նաև հանրության մոտ նրան պատժելու մեծ պահանջ կձևավորվի»,- նշել է նա:

Միաժամանակ, ըստ պատգամավորի, գործող նախագահը կարող է կամ փախչել կամ Իսպանիա, որտեղ նա անշարժ գույք ունի, կամ Մոլդովա, որտեղ «ապրում է նրա բիզնես գործընկեր օլիգարխ Վլադիմիր Պլախոտնյուկը»:

Ուկրաինացի պատգամավորը շեշտել է, որ Պորոշենկոն պետք է պատժվի կոռուպցիայի համար:

«Անկեղծ ասեմ, Պորոշենկոն արժանի է պատժի, քանի որ նա թաթախված է կոռուպցիայի մեջ, նաև, լինելով Ուկրաինայի նախագահ, ծածկում է իր ընկերների կոռուպցիոն գործարքները: Ես այդ մասին գիտեմ, քանի որ անձամբ եմ շփվել Պորոշենկոյի հետ»,- եզրափակել է Լեշչենկոն:

Ավելի վաղ, Պորոշենկոյի հնարավոր փախուստի մասին խոսել էր Ուկրաինայի էկոնոմիկայի նախկին նախարար Վլադիմիր Լանովոյը:

Այս թեմայով Դմիտրի Մեդվեդեւը՝ Ուկրաինայի նորընտիր նախագահի մասին Հայտնի է` երբ տեղի կունենա Զելենսկու երդմնակալությունը «Ուկրաինան վերափոխվելու ևս մեկ հնարավորություն ստացավ». Տիմոշենկո Կրեմլը հրաժարվել է շնորհավորել Զելենսկիին հաղթանակի կապակցությամբ Ուկրաինայի նախագահական ընտրություններում հաղթած Զելենսկիի առաջին 7 խոստումները. (տեսանյութ)