Տեխասում 41-ամյա տղամարդը մեղադրվում է ընկերուհուն սպանելու եւ ոստիկաններին կրակելու մեջ

Հարավային Տեխասի 41-ամյա բնակիչ Լարի Դարնել Մուրը մեղադրվում է իր ընկերուհու եւ մեկ ուրիշ կնոջ սպանության մեջ, որը կատարվել է վեճի հետեւանքով, հաղորդում է Fox News-ը:

Նախքան հանձնվելը, տղամարդը կրակ էր բացել ոստիկանների ուղղությամբ:

Նա անմիջապես ձերբակալվել է կրկնակի սպանության մեղադրանքով:

Ոստիկանությունը հայտնել է, որ դեպքի վայր ժամանելուն պես նրանք հայտնվել են կրակահերթի տակ, սակայն ոչ ոք չի տուժել:

Մուրին ձերբակալելուց հետո բնակարանում ոստիկանները հայտնաբերել են նրա ընկերուհու եւ մեկ այլ կնոջ դիերը: Կանանց անունները չեն հրապարակվում:

Մուրի փաստաբանը հայտարարել է, որ սպանության պատճառը վեճն էր, որը «վերահսկողությունից դուրս էր եկել»:

Լուրեր Հայաստանից - NEWS.am