«Ռեալը» բանակցում է Մոուրինյոյի հետ եւ ցանկանում է նշանակել արդեն այս շաբաթ

Մադրիդի «Ռեալի» նախագահ Ֆլորենտինո Պերեսն արդեն սկսել է բանակցությունները պորտուգալացի մարզիչ Ժոզե Մոուրինյոյի գործակալ Ժորժե Մենդեշի հետ եւ ցանկանում է արդեն այս շաբաթ փոխել մարզիչին՝ պաշտոնանկ անելով արգենտինացի Սանտյագո Սոլարիին եւ նշանակելով Մոուրինյոյին, հաղորդում է իսպանական AS-ը։

Չեմպիոնների լիգայի 1/8 եզրափակիչի պատասխան խաղում Ամստերդամի «Այաքսից» տանը 1։4 հաշվով պարտվելուց եւ պայքարից դուրս մնալուց հետո Պերեսը չի ցանկանում Սոլարիին վստահել մրցաշրջանի ավարտը։

Մոուրինյոյից բացի, «Ռեալը» դիտարկում է նաեւ Զինեդին Զիդանի, Մասիմիլիանո Ալեգրիի եւ Յուրգեն Կլոպի տարբերակները, սակայն երեքն էլ հնարավոր չեն մինչեւ ամառ։