2018թ. ավելացել է ՌԴ քաղաքացիություն ստացած ՀՀ քաղաքացիների թիվը

Օտարերկրացիների թիվը, ովքեր ստացել են ՌԴ քաղաքացիություն, վերջին 5 տարիների ընթացքում ավելացել է կրկնակի: 2018 թվականին ՌԴ քաղաքացիություն է ստացել 269,4 հազար մարդ, 2013-ին՝ 135,8 հազար:

ՌԴ ՆԳՆ տվյալներով` առավել շատ ռուսական անձնագիր են ստացել նախկին ԽՍՀՄ պետությունների քաղաքացիները, այդ թվում` հայերը: 2018-ին ՌԴ անձնագիր է ստացել ՀՀ 27,1 հազար քաղաքացի, իսկ 2017-ին ՌԴ անձնագիր ստացած հայերի թիվը 25 հազար 144 էր:

Երկրների հնգյակի մեջ, որոնց քաղաքացիները 2018-ին առավել շատ են ստացել ՌԴ անձնագրեր, նաև Ուկրաինան է (83 հազար մարդ), Ղազախստանը (45,3 հազար մարդ), Տաջիկստանը (35,7 հազար մարդ) և Ուզբեկստանը (21 հազար մարդ):