Մոուրինյոն 2 պայման է ներկայացրել «Ռեալին»

Անգլիական «Մանչեսթեր Յունայթեդի» գլխավոր մարզիչի պաշտոնից հեռացված Ժոզե Մոուրինյոն կարող է դարձյալ գլխավորել Մադրիդի «Ռեալը»:

El Chiringuito-ի համաձայն՝ պորտուգալացի մասնագետը 2 պայման է ներկայացրել Արքայական ակումբի ղեկավարությանը: Մոուրինյոն ցանկանում է երաշխիքներ ստանալ, որ իրեն թույլ կտան «մաքրել» թիմի կազմը: Մարզիչը նաեւ ցանկանում է ամբողջությամբ վերահսկել թիմի նոր կազմի ընտրության հարցը:

Հիշեցնենք, որ 56-ամյա Մոուրինյոն «Ռեալում» աշխատել է 2010-2013-ը՝ դառնալով Իսպանիայի չեմպիոն (2011/12), գավաթակիր (2010/11) ու սուպերգավաթակիր (2012): 2016 թվականից նա գլխավորում էր «Մանչեսթեր Յունայթեդը», որտեղից հեռացվեց 2018-ի դեկտեմբերին: