Չինաստանի ռազմական բյուջեն 2019թ. կաճի 7,5%-ով՝ հասնելով 177,6 մլրդ դոլարի

Չինաստանի ռազմական բյուջեն 2019թ.-ին կաճի 7,5%-ով՝ հասնելով 177,6 մլրդ դոլարի, գրում է CNN-ը:

Ինչպես նշում է ft.com-ը, այսպիսով՝ Կոմունիստական կուսակցությունը փորձում է հավասարակշռել բանակաշինության և աճող տնտեսության մարտահրավերների միջև:

Չինաստանն ԱՄՆ-ից հետո ռազմական բյուջեի ծավալով երկրորդ երկիրն է աշխարհում:

Անցած տարի պաշտպանության ոլորտում երկրի ծախսերն աճել էին 8,1%-ով՝ հասնելով 175 մլրդ դոլարի, մինչդեռ նախորդ տարի աճն ընդամենը 7% էր կազմել, ինչը վերջին 7 տարվա ընթացքում ռազմական ծախսերի աճի նվազագույն ցուցանիշն է: