Եվրասիական ինտեգրման գործընթացը հետընթաց է ապրում. Լուկաշենկո

Բելառուսի նախագահ Ալեքսանդր Լուկաշենկոն նշել է, որ եվրասիական ինտեգրման գործընթացում բացակայում է առաջընթացը: Այս մասին նա ասել է այսօր՝ եվրոպական կազմակերպությունների հետ համագործակցության եւ ինտեգրացիոն կառույցներում մասնակցության հարցերի վերաբերյալ խորհրդակցության ժամանակ, հաղորդում է ԲԵԼՏԱ-ն:

«Միութենական պետության օրակարգում առկա բազմաթիվ տնտեսական հարցեր տեղափոխվել են ԵՏՄ հարթակ: Ցավոք, եվրասիական ինտեգրման գործընթացը հետ է գնում, եթե դեռ չի գնացել: Ինձ զեկուցում են տնտեսվարության մեր օբյեկտների համար խոչընդոտների եւ սահմանափակումների մասին: Իսկ դրանց վերացմանն ուղղված աշխատանքը քողարկվում է ինչ-որ թվային օրակարգով», - ասել է պետության ղեկավարը: Նա ընդգծել է, որ ԵՏՄ առաջ նաեւ այլ նպատակներ են դրվել՝ ընդհանուր շուկայի եւ հավասար պայմանների ստեղծում:

«Միգուցե սուր հարցերի, ինչպես նաեւ խոչընդոտների եւ սահմանափակումների վերացման լուծման ժամանակ հարկավոր է վերադառնալ փաթեթային սկզբունքի՞ն: Այս հարցի պատասխանը կարեւոր է եվրասիական ինտեգրման ապագայի համար», - կարծում է նախագահը: