Ուկրաինայի նախագահի թեկնածուն խոստացել է ընտրվելու դեպքում Սաակաշվիլիին վերադարձնել ուկրաինական անձնագիրը
Ուկրաինայի նախագահի թեկնածու Անատոլի Գրիցենկոն հայտարարել է, որ ընտրվելու դեպքում կվերականգնի Վրաստանի նախկին նախագահ, Ուկրաինայի Օդեսա նահանգի նախկին նահանգապետ Միխեիլ Սաակաշվիլիի ուկրաինական քաղաքացիությունը, այս մասին գրում է «ՌԻԱ Նովոստի» գործակալությունը:
«Եթե Միխեիլ Սաակաշվիլին ցանկանա վերադառնալ Ուկրաինա, ես կվերականգնեմ նրա համար ուկրաինական քաղաքացիությունը: Ես համարում եմ, որ նրա հետ շատ կոպիտ ու անօրինական վարվեցին, չպետք է պետությունն այդպես հեշտ քաղաքացիություն շնորհի ու այդքան հեշտ էլ խլի անձնագիրը: Սակայն, կրկնում եմ, դա կլինի Միխեիլ Սաակաշվիլիի ցանկությամբ», - ասել է Գրիցենկոն:
Ավելի վաղ Սաակաշվիլին իր աջակցությունն է հայտնել Ուկրաինայի նախագահական ընտրություններում «Հայրենիք» կուսակցության առաջնորդ Յուլյա Տիմոշենկոյի թեկնածությանը: Սաակաշվիլին ընդգծել է, որ ճանաչում է Տիմոշենկոյին արդեն 20 տարի և երջանիկ է նրան իր ընկերը համարելու համար:
Հիշեցնենք, որ 2015թ.-ին Սաակաշվիլիին Ուկրաինայի քաղաքացիություն էր շնորհվել, որից նա զրկվել է 2017թ.-ին: Այնուհետև Սաակաշվիլին վտարվել է Ուկրաինայից:
Ուկրաինայի սահմանապահ ծառայությունը մինչև 2021թ.-ն արգելել է նրա մուտքը երկիր:
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
Առաջիկա օրերին Հայաստան կմատակարարվի իրանական հեղուկ գազ, ինչը կարող է նպաստել գների նվազմանը. Պապոյ...
ԱՄՆ-ն համաձայնել է սառեցնել Իրանի դեմ պատժամիջոցները.Tasnim
Եղբայրները կառուցվող մանկապարտեզից գողություն են կատարել
Ռուսաստանը և Ուկրաինան իրականացրել են «205-ը 205-ի դիմաց» ձևաչափով ռազմագերիների փոխանակում
Ուկրաինական AI դրոնները կաթվածահար են անում մատակարարման ուղիները
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
ԱՄՆ-ն Չինաստանի օգնության կարիքը չունի Իրանի հարցում. Ռուբիո
Երևանը պատրաստվում է COP17-ին