Թրամփի փեսան Անկարայում հանդիպել է Էրդողանի ու նրա փեսայի հետ

Միացյալ Նահանգների նախագահ Դոնալդ Թրամփի փեսան՝ Ջարեդ Քուշները, Անկարայում հանդիպում է ունեցել Թուրքիայի նախագահ Ռեջեփ Թայիփ Էրդողանի ու նրա փեսայի՝ ֆինանսների նախարար Բերաթ Ալբայրաքի հետ, գրում է diken.com.tr կայքը:

Հայտնի է, որ Թուրքիայում Քուշներին ուղեկցել են միջազգային բանակցություններում վաշինգթոնյան վարչակազմի հատուկ ներկայացուցիչ Ջեյսոն Գրինբլաթն ու Իրանի հարցով ԱՄՆ հատուկ ներկայացուցիչ Բրայան Հուքը:

Նշվում է, որ հանդիպմանը հատուկ շեշտադրումներ են արվել պաղեստինա-իսրայելական հակամարտության կարգավորման գործում ԱՄՆ-ի և Թուրքիայի հատուկ ջանքերի վերաբերյալ:

Թուրքիայի նախագահի հետ զրույցից հետո Թրամփի փեսան առանձնազրույց է ունեցել նաև նախարար Ալբայրաքի հետ՝ քննարկելով թուրք-ամերիկյան տնտեսական հարաբերությունների զարգացման հեռանկարները:

Այս թեմայով Մարտի 31-ին կայանալիք ընտրություններն ինձ համար վերջինն են լինելու․ Էրդողան Էրդողանը հայտարարել է, որ կշարունակի Կիպրոսի հյուսիսային հատվածի ճանաչման ջանքերը Ալիևը պաշտոնական այցով ժամանել է Թուրքիա Էրդողանը հայտարարել է, որ Թուրքիան Ռուսաստանի հետ հարաբերությունների սրում չի ցանկանում Սիրիայի հյուսիսում գործողությունները կշարունակվեն այնքան ժամանակ, մինչև այդ տարածքը մաքրվի «ահաբեկիչներից»