Բրիտանացի պատգամավորները Brexit-ի հարցով վերջնական քվեարկությունը կանցկացնեն մարտի 12-ին

Մեծ Բրիտանիայի վարչապետ Թերեզա Մեյը հայտարարել է, որ խորհրդարանում Brexit-ի հարցով վերջնական քվեարկությունը տեղի կունենա մարտի 12-ին:

Ինչպես փոխանցում է BBC News-ը, այս մասին բրիտանական կառավարության ղեկավարը հայտնել է Եգիպտոսում կայանալիք ԵՄ-Արաբական պետությունների լիգա գագաթնաժողովին մեկնելուց առաջ: Վերջինս «խելամիտ քվեարկության» հույս է հայտնել՝ նշելով, որ Եվրամիության հետ «դրական» բանակցությունները դեռևս շարունակվում են, և մարտի 29-ի ԵՄ կազմից դուրս գալը «իրենց ձեռքերում է»:

Մեյը տեղեկացրել է, որ անցյալ շաբաթ Բրյուսելում կայացած բանակցությունները կշարունակվեն երեքշաբթի: «Հաշվի առնելով այդ հանգամանքը՝ մենք խելամիտ քվեարկությունը խորհրդարանում չենք անցկացնի այս շաբաթ, այլ մարտի 12-ին»,- մեկնաբանել է բրիտանացի վարչապետը: