Ռոստովի բնակիչը վաճառում է Գորբաչովի եւ նրա տիկնոջ ստորագրությամբ թղթադրամը

 Դոնի Ռոստովի բնակիչը Avito.ru կայքում տեղադրել է Միխայիլ եւ Ռաիսա Գորբաչովների ինքնագրերով «պատմական» թղթադրամը վաճառելու հայտարարությունը, հաղորդում է Life –ը՝ հղում կատարելով Donday պորտալին:

Ըստ պորտալի տվյալների՝ տղամարդը հանդիպել էր ԽՍՀՄ-ի առաջին եւ վերջին նախագահի հետ 1996 թվականին, երբ նա իր տիկնոջ հետ այցելել էր Դոնի Ռոստով: Պատմության հերոսն այդ ժամանակ աշխատում էր «Ինտուրիստ» հյուրանոցում որպես ներկարար: Տեսնելով քաղաքական գործչին տիկնոջ հետ, նա ինքնագիր էր խնդրել, սակայն, չունենալով ոչ մի թուղթ, տվել 10 հազար ռուբլի արժողությամբ թղթադրամը:

Այդ հիշատակի իրը նա վաճառում է բնակարան գնելու համար: