Նեմցովի հիշատակին այսօր Ռուսաստանի մի շարք քաղաքներում բողոքի երթեր են

Մոսկվայում, Սանկտ Պետերբուրգում, ինչպես նաև Ռուսաստանի մի շարք այլ քաղաքներում այսօր բողոքի երթեր են` չորս տարի առաջ սպանված ընդդիմադիր Բորիս Նեմցովի հիշատակին:

Ըստ ռուսական լրատվամիջոցների, Մոսկվայում երթին մասնակցել է ավելի քան տասը հազար մարդ:

Նախագահ Պուտինի կոշտ քննադատը սպանվել էր 2015 թվականի փետրվարի 27-ին` Կրեմլից քիչ հեռու:

Սպանությունն իրականացնելու մեջ մեղավոր են ճանաչվել Չեչնիայի հինգ բնակիչներ, դատարանը նրանց դատապարտել է 11-ից 20 տարվա ազատազրկման: Պատվիրատուն, սակայն, մինչ օրս հայտնի չէ:

Նեմցովի հարազատները, «Էխո Մոսկվի» ռադիոկայանի հաղորդմամբ, հայտարարել են, թե իշխանություններն ամեն ինչ անում են, որ իրական մեղավորները չկանգնեն դատարանի առաջ:

azatutyun.am