Երեք նախարարներ խոստացել են Մեյի դեմ ելույթ ունենալ եւ կողմ քվեարկել 50-րդ հոդվածին

Բրիտանիայի կառավարության երեք նախարարները խոստացել են երկրի վարչապետ Թերեզա Մեյի դեմ ելույթ ունենալ եւ կողմ քվեարկել 50-րդ հոդվածին, եթե նա չկարողանա Brexit-ի վերաբերյալ իր գործարքը կնքել, գրում է Sky News-ը:

Համայնքների պալատում քվեարկությունից առաջ նախարարներ Էմբեր Ռադդը, Դեւիդ Գաույը եւ Գրեգ Քլարկը հայտնել են, որ նրանք կողմ կքվեարկեն Բրիտանիային ԵՄ հետ բանակցությունների համար ավելի շատ ժամանակ տրամադրելու համար՝ ելույթ ունենալով Թերեզա Մեյի դեմ:

50-րդ հոդվածը դարձել է այն կետը, որը հանգեցրել է ԵՄ-ից Բրիտանիայի դուրս գալուն՝ երկրին Brexit-ի վերաբերյալ բանակցությունների համար 2 տարի տրամադրելով:

Daily Mail-ում հրապարակված հոդվածում նախարարները հայտնել են ԵՄ-ից երկրի դուրս գալու հարցով վարչապետի աշխատանքի նկատմամբիրենց յուրատեսակ վճռականության մասին՝ նշելով, որ նոր օրենքի ներկայացման համար, որը տեղի կունենա մարտի 29-ին, քիչ ժամանակ է մնացել:

Նրանք զգուշացրել են, որ առանց գործարքի կնքման ԵՄ-ից Բրիտանիայի դուրս գալու դեպքում երկրի ազգային անվտանգությանը, տնտեսությանը եւ անգամ սահմանադրական ամբողջականությանն անդառնալի վնաս կհասցվի: