Լուկաշենկոն պատմել է, որ իր որդիները չեն ցանկանում նախագահ դառնալ
Բելառուսի նախագահ Ալեքանդր Լուկաշենկոն ուրբաթ հայտարարել է, որ իր բոլոր 3 որդիները չեն ցանկանում նախագահ դառնալ:
«Իմ բոլոր որդիները չեն ցանկանում նախագահ դառնալ», - Ռազմական ակադեմիայի պրոֆեսորադասախոսական կազմի, կուրսանտների հետ հանդիպմանն ասել է Լուկաշենկոն: Նրա խոսքը ներկայացնում է նախագահի մամուլի ծառայությունը: Պետության ղեկավարի խոսքով՝ նախագահական կյանքը հասկանալու համար այն պետք է ապրել, սակայն նա ոչ ոքին դա չի ցանկանում:
Լուկաշենկոն իր ժամանակցույցը շատ լարված չի անվանել, սակայն նշել է, որ հոգսերն իհարկե շատ են:
«Աշխատակազմի ղեկավարը կազմում է նախագահի ամենօրյա աշխատանքի ժամանակցույցը, եթե որոշակի հարցեր պետք է լուծվեն նաեւ կիրակի եւ շաբաթ օրերի: Ես գիտեմ, որ պետք է այն կատարեմ», - ասել է նա:
Բելառուսի նախագահը խոստովանել է, որ աշխատանքից հանգստանալ է սիրում միջավայրը փոխելով:
«Դա ծով գնալ չի նշանակում: Կամ օրինակ սարեր էի գնացել, արդեն երրորդ օրը բողոքում եմ: Ամենից լավ տանն եմ հանգստանում: Ինձ օգնում է սպորտը, մարդկանց հետ հանդիպումները: Դա օգնում է այս լարված իրարանցման մեջ աշխատել», -պարզաբանել է նա:
Լուկաշենկոն պատմել է նաեւ նախագահի համար անհրաժեշտ որակների մասին:
«Նախագահը պետք է փորձառու լինի, կրթված եւ ամենակարեւորը նա պետք է խելացի լինի: Երբ նրան առաջարկներ են ներկայացնում, նրա «համակարգիչը» պետք է մշակի տեղեկատվությունը եւ եթե հնարավոր է ակնթարթային լուծում գտնի, եթե ոչ՝ ապա կարճ ժամանակում: Քանի որ կյանքն արագացել է, պետք է շատ արագ որոշումներ կայացնել», - ասել է Բեռլառուսի նախագահը:
Նրա կարծիքով ամենից սարափելին, երբ ցանկացած մակարդակի առաջնորդ ոչ թե որոշումներ է ընդունում, այլ սկում է դրանք ենթականերին փոխանցել, իսկ նրանք էլ իրենց հերթին իրենց ենթականերին: Արդյունքում խնդիրը մի ատյանից մյուսն է տեղափոխվում եւ ոչ մի որոշում չի կայացվում:
«Ժամականը սպառվել է, իսկ լուծում չկա՝ սա ամենասարսափելին է: Հաճախ են ասում՝ ավելի լավ է սխալվել, բայց որոշում ընդունել, քան ընդհնարպես այն չընդունել: Սա կարեւոր է առաջնորդի համար, առավել եւս՝ նախագահի: Դու պետք է տեսնես, վերլուծես, կարգադրություններ տաս եւ հետեւես, որ դրանք կատարվեն », - ընդգծել է Լուկաշենկոն:
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
Առաջիկա օրերին Հայաստան կմատակարարվի իրանական հեղուկ գազ, ինչը կարող է նպաստել գների նվազմանը. Պապոյ...
ԱՄՆ-ն համաձայնել է սառեցնել Իրանի դեմ պատժամիջոցները.Tasnim
Եղբայրները կառուցվող մանկապարտեզից գողություն են կատարել
Ռուսաստանը և Ուկրաինան իրականացրել են «205-ը 205-ի դիմաց» ձևաչափով ռազմագերիների փոխանակում
Ուկրաինական AI դրոնները կաթվածահար են անում մատակարարման ուղիները
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
ԱՄՆ-ն Չինաստանի օգնության կարիքը չունի Իրանի հարցում. Ռուբիո
Համագործակցությունը օգուտ է բերում երկու կողմերին, մինչդեռ առճակատումը վնասում է երկու կողմերին