Բելգիայի հակահետախուզության տնօրենին կասկածում են Ռուսաստանի օգտին լրտեսության մեջ

Բելգիայում ռազմական հակահետախուզությունը գլխավորող Կլեմենտ Վանդենբորեին ժամանակավորապես հեռացրել են պաշտոնից հօգուտ ռուսական կողմի լրտեսության կասկածանքով, տեղեկացնում է Gazeta-ն՝ հղում կատարելով De Morgen-ին։

Նշվում է, որ պաշտոնից հեռացումը տեղի է ունեցել «գաղտնիության հետ կապված բազմաթիվ միջադեպերից հետո»։ Միեւնույն ժամանակ, այս պահին հայտնի է միայն մեղադրանքի մեկ կոնկրետ փաստի մասին. Վանդենբորեն, իբր, խախտել է գաղտնի փաստաթղթերի ոչնչացման կարգը՝ օգտագործելով սովորական թուղթ կտրող մեքենա։ Այլ մեղադրանքների մանրամասներ չեն նշվում։

Պարբերականը կատարվածը բացատրում է հետախուզական ծառայության եւ հակահետախուզության միջեւ դիմակայությամբ, ինչպես նաեւ չի բացառում երիտասարդ աշխատակիցների՝ ծառայության մեջ վեր բարձրանալու ցանկությունը։ Վանդենբորեն ժխտում է բոլոր մեղադրանքները։