Շվեյցարիան բրիտանացիների համար աշխատանքի թույլտվություն կձևակերպի «կոշտ» Brexit-ի դեպքում

Շվեյցարիան «կոշտ» Brexit-ի դեպքում աշխատանքի 3500 թույլատվություն կձևակերպի Մեծ Բրիտանիայի քաղաքացիների համար: РИА Новости-ի փոխանցմամբ՝ այս մասին ասվում է երկրի կառավարության կայքում:

Հայտարարության մեջ նշվում է, որ ԵՄ կազմից Մեծ Բրիտանիայի՝ առանց գործարքի դուրս գալու պարագայում մարտի 30-ից Լոնդոնի համար այլևս չի գործի աշխատուժի ազատ տեղաշարժման մասին համաձայնագիրը: Եվ բրիտանացի քաղաքացիները ստիպված կլինեն Շվեյցարիայում կեցության իրավունք ստանալ՝ աշխատելու թույլտվությամբ, ինչպես ԵՄ կազմում չընդգրկված բոլոր երկրների քաղաքացիները:

Սեփական տնտեսության ռիսկերից և ֆինանսական կորստից խուսափելու համար Շվեյցարիայի կառավարությունը չորեքշաբթի որոշում է կայացրել 3500 աշխատանքային թույլտվություն հատկացնելու մասին: