Գերմանիան կարող է ավելի քան 100 000 աշխատատեղ կորցնել Brexit-ի պատճառով

Մեծ Բրիտանիայի՝ ԵՄ կազմից առանց համաձայնագրի դուրս գալու դեպքում Գերմանիան կարող է ավելի քան 100 000 աշխատատեղ կորցնել:

Ինչպես փոխանցում է РИА Новости-ն՝ հղում անելով գերմանական աղբյուրին, նման տվյալներ է հրապարակել տնտեսական հետազոտությունների ինստիտուտը: «Կոշտ Brexit-ի ազդեցությունը զբաղվածության վրա հատկապես նկատելի կլինի մեքենաշինության ոլորտում», - ասվում է հետազոտության մեջ:
Աշխատատեղերի առավել խոշոր կրճատումներ սպառնում են Volkswagen-ի և BMW-ի աշխատակիցներին:
Բացի այդ, զանգվածային կրճատումներ կարող են տեղի ունենալ Բյոբլինգենում, որտեղ տեղակայված են խոշորագույն տեխնոլոգիական ընկերությունները, որոնցից են IBM-ն ում Siemens-ը: Կոշտ Brexit-ի հետևանքով կարող են տուժել նաև միջին օղակի ընկերությունների աշխատակիցները:
Հիշեցնենք, որ ԵՄ կազմից Միացյալ Թագավորության դուրս գալը նախատեսված է մարտի 29-ին: