Կիևում ցուցարարները գրոհել են ոստիկանության բաժանմունքը, կան տասնյակ ձերբակալվածներ

Իրավապահ մարմինների աշխատակիցները Կիևում 40 մարդու են ձերբակալել, որոնք փորձել են գրոհով ներխուժել ոստիկանական բաժանմունք:

«Անհայտ անձինք փորձել են վնասել մուտքի դռները, գործադրել են գազի բալոններ և ծեծկռտուք սարքել ոստիկանների հետ»,- ասվում է մայրաքաղաքի ոստիկանության ֆեյսբուքյան հաղորդագրության մեջ:

Փետրվարի 9-ին, ավելի վաղ Կիևում մի քանի մարդ էր ձերբակալվել, որոնք փակ դեմքերով հավաքվել էին Ուկրաինայի նախագահի թեկնածու Յուլյա Տիմոշենկոյի ելույթի վայրում: Նրանք զինված են եղել գազի բալոններով և դանակներով: Ոստիկանությունում նրանցից բացատրություն էին վերցրել և ազատ արձակել, սակայն ավելի ուշ ոստիկանություն էր ժամանել «աջակիցների խումբը», ծեծկռտուք հրահրել և գազ կիրառել ոստիկանների դեմ:

«Արդյունքում ձերբակալվել են անկարգության ամենաակտիվ մասնակիցները՝ մոտ 40 մարդ: Նրանց նկատմամբ առաջնահերթ քննչական գործողություններ են կատարվում»,- նշվում է ֆեյսբուքյան գրառման մեջ: Քննիչները երեք քրեական գործ են հարուցել՝ իրավապահ մարմինների աշխատակցի նկատմամբ ուժ կիրառելու, պետական շենքերի գրավման և խուլիգանության հոդվածներով:

Այս թեմայով Դմիտրի Մեդվեդեւը՝ Ուկրաինայի նորընտիր նախագահի մասին Հայտնի է` երբ տեղի կունենա Զելենսկու երդմնակալությունը «Ուկրաինան վերափոխվելու ևս մեկ հնարավորություն ստացավ». Տիմոշենկո Կրեմլը հրաժարվել է շնորհավորել Զելենսկիին հաղթանակի կապակցությամբ Ուկրաինայի նախագահական ընտրություններում հաղթած Զելենսկիի առաջին 7 խոստումները. (տեսանյութ)