Չինացիները կառուցել են ամենամեծ օդանավակայանն աշխարհում

Չինաստանն ավարտում է Պեկինի «Դասին» միջազգային օդանավակայանի շինարարությունը: Այն կլինի աշխարհի խոշորագույն օդային հանգույցը:

Դիզայնի մշակմամբ զբաղվել է իրաքյան ծագմամբ հայտնի բրիտանացի ճարտարապետ Զահա Հադիդը: Օդանավակայանի գլխավոր շենքը կառուցված է վեցանկյուն աստղի տեսքով՝ մոտ 700 հազար քառակուսի մետր տարածքով: Յուրաքանչյուր սլաքը կունենա իր ինտերիերը, որը կխորհրդանշի ազգային չափորոշիչներից մեկի արժեքը․ դրանք են՝ մետաքսագրությունը, թեյը, ճենապակին, գյուղատնտեսությունը եւ չինական այգիները:

Օդանավակայանը կունենա ավելի քան 80 վայրէջքային գոտի: Միեւնույն ժամանակ, հատուկ ճարտարապետության շնորհիվ հնարավոր կլինի կենտրոնական մասից հայտնվել ելքի մոտ՝ մի քանի րոպեների ընթացքում: Այժմ ավարտված են ճակատային աշխատանքները: Բացումը պետք է տեղի ունենա այս տարի: Նախատեսվում է, որ մինչեւ 2025 թվականը օդանավակայանն ամեն տարի կընդունի շուրջ 70 միլիոն ուղեւոր: Իսկ առավելագույն թողունակության հզորությունը կլինի տարեկան 100 մլն ուղեւոր:

Օդանավակայանը գտնվում է Պեկինի կենտրոնից 46 կմ հեռավորության վրա: «Դասինը» դառնալու է ամենամեծ տրանսպորտային հանգույցը, այստեղ կլինի նաեւ երկաթուղու հատման կետ: Հատուկ կոնստրուկցիայի շնորհիվ (հատուկ սարքեր, որոնք մարելու են տատանումները), գնացքները կարող են անցնել մոտով՝ մինչեւ 300 կմ /ժ արագությամբ, գրում է Vesti-ն` վկայակոչելով Chinadaily-ին: