Մեծ Բրիտանիան յուրահատուկ հնարավորություններով անօդաչուներ է ստեղծում

Բրիտանական հարվածային Protector RG Mk.1 դրոնները, որոնք մշակվել են ամերիկյան հեռանկարային MQ-9B SkyGuardian-ի հիման վրա, կստանան օդային բախումներից խուսափելու առաջադեմ համակարգ՝ հայտնում է Planet Today-ը՝ հղում կատարելով Defense News-ին։

Թերթը գրում է, որ Բրիտանիայի թագավորական ռազմաօդային ուժերն արդեն պայմանագիր են կնքել՝ համապատասխան համակարգերով իրենց անօդաչուները հագեցնելու մասին։

Բրիտանացի զինվորականները համաձայնագիր են կնքել ամերիկյան մասնավոր General Atomics ընկերության հետ, որը օդում բախումից խուսափելու համակարգերի ոլորտում որոշ աշխատանքներ է կատարում։

Եթե բրիտանական դրոնները հագեցվեն նման համակարգերով, ապա կարող են քաղաքացիական ավիացիայի հետ նույն օդային տարածքում թռչել, ինչը, ըստ փորձագետների, կընդլայնի թագավորական ՌՕՈւ-ի ռազմական դրոնների գործածության հնարավորությունները։