Ելիզավետա II-ի ամուսինը ներողություն է խնդրել ավտովթարում տուժած կնոջից

Մեծ Բրիտանիայի թագուհի Ելիզավետա II-ի ամուսինը գրավոր ներողություն է հայցել Էմմա Ֆեյրուեզերից, որը թագաժառանգի մեղքով տուժել էր ավտովթարում, հաղորդում է Լենտա.Ռու-ն՝ հղում կատարելով Daily Mirror-ին:

«Հարգելի միսիս Ֆեյրուեզեր, ես ցանկանում եմ Ձեզ տեղեկացնել, թե որքան եմ ցավում, որ ստանձնել էի Բեյբինգլի խաչմերուկում ավտովթարի մեղավորի դերը»,-ասվում է նամակում:

Թագավորական ընտանիքի անդամը ստորագրել է ուղերձն իր անունով՝ առանց տիտղոսի. «Հարգանքով, Ֆիլիպ»: Ֆեյրուեզերը հատուկ ուշադրություն է դարձրել այդ հանգամանքին. «Ես հաճելիորեն շոյված եմ անձնական վերաբերմունքով»,-նշել է նա:

Ավելի վաղ հայտնի էր դարձել, որ ամուսնու փոխարեն տուժողից ներողություն էր խնդրել Ելիզավետա II-ը:

Հունվարի 18-ին Ֆիլիպն ավտովթարի մասնակից էր դարձել Անգլիայի արեւելքում գտնվող Սանդրինհեմ գյուղում: 97-ամյա թագաժառանգը գյուղամիջյան ճանապարհը շրջանցելիս բախվել էր մեկ այլ մեքենային: Ֆիլիպի Land Rover-ը հարվածից կողաշրջվել էր: Բժիշկները հետազոտել էին նրան. մտահոգվելու պատճառ չկար: Մյուս ավտոմեքենայի վարորդն ու ուղեւորը թեթեւ վնասվածքներ էին ստացել: Նրանք բոլորը կարճ ժամկետում դուրս էին գրվել հիվանդանոցից: