Վենեսուելայի զինված ուժերն աջակցում են Մադուրոյին

Վենեսուելայի Բոլիվարական ազգային զինված ուժերը աջակցել է նախագահ Նիկոլաս Մադուրոյին այն բանից հետո, երբ ընդդիմության առաջնորդ եւ երկրի Ազգային ասամբլեայի ղեկավար Խուան Գուայդոն իրեն հռչակել է երկրի ժամանակավոր նախագահ, հայտնում են տեղական լրատվամիջոցները:

Երկրի պաշտպանության նախարար Վլադիմիր Պադրինո Լոպեսի հայտարարության մեջ նշված է, որ ԶՈՒ-ն «չի ընդունի մութ շահերի ստվերում պարտադրված նախագահին»: Նա ընդգծել է, որ վենեսուելական զինվորական կորպուսը «չի ենթարկվում արտասահմանյան տերություններին կամ կառավարությանը, որը չի ընտրվում ժողովրդավարական ճանապարհով»:

Պաշտպանության նախարարը նշել է, որ տարաձայնությունների լուծումը հնարավոր է անկեղծ երկխոսության միջոցով:

Մադուրոյին իրենց աջակցությունն են հայտնել նաեւ երկրի ռազմավարական շրջանների հրամանատարները: