Ուկրաինան պաշտոնապես դուրս կգա ԱՊՀ կազմից

Ուկրաինայի նախագահը մտադիր է երկիրը երկու ամսվա ընթացքում դուրս բերել ԱՊՀ կազմից, որին անդամակցում է Ռուսաստանը (նաև Հայաստանը)։ Փաստացի, Ուկրաինան արդեն տարիներ շարունակ որևէ կերպ չի մասնակցում այդ կառույցի գործունեությանը, սակայն դեռ պաշտոնապես դուրս չի եկել դրա կազմից։

Համարվում է սակայն, որ այս քայլն Ուկրաինայի նախագահ Պյոտր Պորոշենկոն ձեռնարկել է երկրում անցկացվելիք նախագահական ընտրություններին ընդառաջ։ Դրանք անցկացվելու են մարտի վերջին, ու հենց այդ ժամանակ էլ լրանալու է ԱՊՀ-ից դուրս գալու խոստացված երկամսյա ժամկետը։

Ռուսական մամուլը, որն այս տեղեկությունները հայթայթել է ուկրաինական դիվանագիտական աղբյուրներից, հիշեցնում է, որ նախագահական ընտրությունների շեմին Պորոշենկոյի նախընտրական վարկանիշի վրա դրական են ազդել Ազովի ծովի միջադեպն ու ռուսական կողմի հետ հակասությունները։