«Հայաստանը Մինսկի համար եղել ու շարունակում է հուսալի գործընկեր մնալ». Լուկաշենկո

Աշխարհի տասը պետության՝ այդ թվում Հայաստանի դեսպաններն իրենց հավատարմագրերն են հանձնել Բելառուսի նախագահ Ալեքսանդր Լուկաշենկոյին:

Ինչպես նշում է sb.by կայքը, դիվանագետներին ուղղված ողջույնի խոսքում նախագահը նշել է, որ Բելառուսը պատրաստ է Արևմուտքի, Արևելքի, Հարավի ու Հյուսիսի հետ համագործակցության:

Մասնավորապես՝ Հայաստանի մասով Լուկաշենկոն ասել է. «Հայաստանը Մինսկի համար եղել ու շարունակում է մնալ հուսալի գործընկեր, որի հետ մեզ կապում է բազմակողմանի համագործակցությունը, այդ թվում՝ հիմնական միություններում՝ Եվրասիական տնտեսական միությունում ու ՀԱՊԿ-ում»:

Բելառուսի նախագահը հավելել է, որ Մինսկը մտադիր է ընդլայնել հայ-բելառուսական հարաբերությունների առևտրատնտեսական բաղադրիչը, ինչպես նաև պատրաստակամ է մասնակցել հայ եղբայրներին ու ընկերներին հետաքրքրող ցանկացած նախագծի, այդ թվում` ՀՀ տարածքում:

Այս թեմայով Լուկաշենկո. Մենք միակն ենք, որտեղ «գունավոր հեղափոխություն» տեղի չի ունեցել Լուկաշենկոն ստանձնել է Բելառուսի նախագահի պաշտոնը Լուկաշենկոն ընտանիքով մեկնել է Ռուսաստան Իշխանությունը ոչ ոքի չեմ տա Բելառուսում «գունավոր հեղափոխության» պատճառներ չկան` ինչպես Հայաստանում և Ուկրաինայում. Լուկաշենկո