Նախարարության մի մասին տարհանել են ցուցարարների ներխուժման պատճառով

Ֆրանսիայի կառավարության պաշտոնական ներկայացուցիչ Բենժամեն Գրիվոն տարհանվել է իր աշխատասենյակից նախարարության բակ ցուցարարների խմբի ներխուժումից հետո, տեղեկացնում է ՌԻԱ «Նովոստի»-ն՝ հղում կատարելով Parisien թերթին։

Ականատեսի խոսքերով, որին հղում է կատարում պարբերականը, «մոտ 16.30-ին տասնհինգ մարդ, որոնց մի մասը սեւ հագուստով էր, մյուսները՝ դեղին բաճկոններով, կոտրել են նախարարության դուռը շինարարական մեքենայի օգնությամբ»։

Դրանից հետո Գրիվոն եւ քարտուղարության աշխատակիցները տարհանվել են։

Նշվում է, որ շենքը, որում գտնվում է խորհրդարանի հետ կապերի նախարարությունը, գտնվում է Գրենել փողոցում, Մաթինյոն պալատից՝ Ֆրանսիայի վարչապետի նստավայրից ոչ հեռու։

Պարբերականի հաղորդմամբ՝ ցուցարարները փորձել են նաեւ ներխուժել այլ նախարարություններ։

«Ոչ թե ինձ վրա են հարձակվել, այլ հանրապետության, նրա ինստիտուտների»,- ասել է Գրիվոն, որի խոսքերը մեջբերում է թերթը։ Կառավարության պաշտոնական ներկայացուցիչը դատապարտել է նման գործողությունները՝ դրանք անվանելով անթույլատրելի։

Այս թեմայով Փարիզում Բաստիլի գրավման օրվա տոնակատարություններից հետո բողոքի ակցիա է սկսվել, որն ուղեկցվում է անկարգություններով (ուղիղ միացում) Փարիզի իշխանությունները «դեղին բաճկոններին» արգելել են ապրիլի 20-ին ցույցեր կազմակերպել Աստվածամոր տաճարի մոտակայքում Մակրոնն ուղերձ է հղելու ֆրանսիացիներին՝ ի պատասխան «դեղին ժիլետների» Մակրոնը որոշել է «Դեղին ժիլետների» բողոքի ցույցերի ժամանակ զինվորականներ տեղակայել Որ դեպքում Ֆրանսիայում կարգելեն «Դեղին ժիլետների» ցույցերը