Իսրայելը` ամենաթանկարժեք զբոսաշրջային ուղղություններից մեկը

Իսրայելի ցանցային հյուրանոցներում ապրելն այժմ 2-3 անգամ ավելի թանկ է, քան Եվրոպայի եւ աշխարհի այլ քաղաքների նմանօրինակ հյուրանոցներում։ Այս մասին գրում է Ինտերֆաքսը՝ հիմնվելով Haaretz թերթի հետազոտության վրա։

Այսպես, Թել Ավիվում Sheraton ցանցային հյուրանոցի համարը սովորական հանգստյան օրերին արժի 1139 շեկել ($302)։ Այդպիսի համարը Ցյուրիխում եւ Բեռլինում արժի 565 շեկել ($150), Բարսելոնայում՝ 394 շեկել ($105)։

Նման գնային տարբերությնուն է նաեւ Leonardo Fattal եւ Accor Hotels ցանցերի հյուրանոցներում։

«Իսրայելի հյուրանոցներում բարձր գները կարելի է բացատրել մի շարք պատճառներով՝ համարների անբավարարությամբ, երկրում անշարժ գույքի բարձր գներով, բարձր աշխատավարձերով եւ ուժեղ շեկելով»,- գրում է թերթը։