Իսրայելը հայտարարել է Սիրիայում իրանական «Ֆաջր 5» հրթիռների պահեստը ոչնչացնելու մասին

Իսրայելի պաշտպանության բանակը ոչնչացրել է Դամասկոսի մոտակայքում գտնվող իրանական «Ֆաջր 5» հրթիռների պահեստը:

Ինչպես փոխանցում է INTERFAX.RU-ն՝ հղում անելով իսրայելական աղբյուրներին, այդ հրթիռները պոտենցիալ սպառնալիք էին հանդիսանում Իսրայելի Գալիլեա մարզի տարածքներին:

Ավելի վաղ հաղորդվում էր, որ Իսրայելի ինքնաթիռները, գտնվելով լիբանանյան օդային տարածքում, հրթիռներ են արձակել Սիրիայում նպատակակետերի ուղղությամբ:

Իսրայելցի զինվորականները կանոնավոր կերպով հրթիռային հարվածներ են հասցնում Սիրիայի ուղղությամբ: Սովորաբար, նրանց թիրախում են հայտնվում Դամասկոսի աջակցությունը վայելող «Հեզբոլլահ» լիբանանյան խմբավորման կամ սիրիական տարածքում գտնվող իրանական ռազմական խորհրդականների հետ առնչություն ունեցող կառույցները:

Այս թեմայով Իրանը ռազմավարական առավելություն է ձեռք բերել. The Economist Իրանի վրա ցանկացած հարձակում բումերանգի էֆեկտ կունենա. Վելայաթի Իրանն ամրացրել է Խարգ կղզին զորքերով, հակաօդային պաշտպանության համակարգերով և ականներով. CNN Իրանը պնդում է, որ հրթիռների պակաս չունի Իրանը իր կարողությունների միայն մի փոքր մասն է օգտագործել՝ ի պատասխան Իսրայելի հարձակումների․ Արաղչի