Ամբողջ աշխարհի կաթոլիկները նշում են Սուրբ Ծնունդը
Ամբողջ աշխարհի կաթոլիկները, ինչպես նաեւ բողոքականները, Անգլիկան եկեղեցու հետեւորդները եւ մի շարք ուղղափառներ, որոնք հետեւում են Գրիգորյան տոմարին, դեկտեմբերի 25-ին նշում են Քրիստոսի Ծնունդը: Հռոմի Ֆրանցիսկոս պապը գիշերը գլխավորել է հանդիսավոր ժամերգությունը Վատիկանի Սուրբ Պետրոսի գլխավոր կաթոլիկական տաճարում, որն ուղիղ եթերով հեռարձակվելէ ամբողջ աշխարհով: Այդ մասին հայտնել է Սուրբ աթոռի մամուլի ծառայությունը:
Կեսօրին (Երեւանի ժամանակով 15:00-ին) Հռոմի կաթոլիկ եկեղեցու հովվապետը կդիմի հոտին՝ Urbi et orbi («Քաղաքին եւ աշխարհին») ավանդական սուրբծննդյան ուղերձով: Վերջին բոլոր շաբաթներին քահանայապետն իր քարոզներում հիշեցնում էր, որ հարկավոր է «բերկրանք ապրել Փրկչի ծննդյան լույսից» եւ ճիշտ ընկալել այս տոնի նշանակությունը՝ այն չվերածելով սոսկ կերուխումի եւ նվերների:
«Սուրբ Ծնունդը համեստության եւ խոնարհության հաղթանակն է անբարեկրթության նկատմամբ, պարզության հաղթանակն անժուժկալության, լռության հաղթանակն անհեթեթ ժխորի եւ ունայնության նկատմամբ: Հիսուսն ինքը մեր ամենամեծ պարգեւն է»,- ասել է Ֆրանցիսկոսը դեկտեմբերի 19-ին կայացած կոլեկտիվ ունկնդրությանը: Աշխարհում կաթոլիկների թիվը հասնում է 1,2 միլիարդի, հաղորդել է ՏԱՍՍ-ը:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Մելանշոնը հավանական առաջատար թեկնածուներից մեկն է
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Ամերիկան պատմության մեջ հսկայական քայլ հետ կատարեց
Մոսկվայում մեկնարկել է ԱՊՀ ԱԽ քարտուղարների հանդիպումը. Հայաստանը ևս մասնակցում է
Ծաղկունքում կասեցվել է հացաբուլկեղենի արտադրամասի գործունեությունը
Իրանը վերականգնել է իր նավթային ենթակառուցվածքների 80%-ը ԱՄՆ-ի և Իսրայելի հարվածներից հետո