Օսիպյանը չի պատրաստվում ներողություն խնդրել քաղաքացիներից
ՀՀ ոստիկանապետ Վալերի Օսիպյանը չի պատրաստվում ներողություն խնդրել օլիգարխների թիկնազորից, որոնց մոտ հայտնաբերված զենքն օրինական է եղել։ Այս մասին նա հայտնեց այսօր՝ սեպտեմբերի 14-ին լրագրողների հետ զրույցում։
Լրագրողը, մասնավորապես, հարցրեց, թե պատրաստ է ոստիկանապետը մարդկանցից, որոնց զենքն օրինական է եղել, արժանապատվությունը ոտնահարելու համար ներողություն խնդրել, Օսիպյանը բացասական պատասխանեց. «Իրենք արդեն կարգ են խախտել, թող շարասյունով չերթեւեկեին»։
Ոստիկանապետը հրաժարվեց պատասխանել հարցին, թե եթե ոստիկանությունում տեղեկություն ստացվի, թե ոստիկանապետի մոտ անօրինական զենք կա, կարող են նրան էլ ստուգել ասֆալտին պառկեցնելով, շոուով կամ առանց շոուի, ինչպես մյուս քաղաքացիներին, Օսիպյանը նկատեց. «Ես ոստիկան եմ, յուրաքանչյուր ոստիկան կարող է զենք ունենալ։ Ես կարող եմ անօրինական զենք էլ ունենալ։ Հնարավոր է՝ մեկ ժամ առաջ ինչ–որ մեկը ինձ զենք է փոխանցել, ես այդ զենք տանում եմ համապատասխան տեղ, կարող է ինչ–որ մեկը զենք է գտել եւ ինձ է փոխանցել, ես ոստիկան եմ իրավունք ունեմ զենք կրել»։
Նա շեշտեց, որ ՀՀ–ում կան դեռ քաղաքացիներ, որոնք անօրինական զենք են կրում։
Ավելի վաղ Դավիթաշենում կայացած հանրահավաքում ՀՀ վարչապետ Նիկոլ Փաշինյանը հայտարարել էր. «Ես հանձնարարել եմ ԱԱԾ-ին, ոստիկանությանը՝ ամենակարճ ժամանակահատվածում հայտնաբերել դավադրությունը կազմակերպածներին եւ նրանց ենթարկել ամենախիստ պատասխանատվության: Դեռեւս երբ ես «Հայկական ժամանակ» օրաթերթի գլխավոր խմբագիր էի, հրապարակել էի տեղեկություն, որ մեր տեղեկություններով՝ որոշ օլիգարխներ եւ պետական բարձրաստիճան պաշտոնյաների հետ կապ ունեցող մարդիկ ձեռք են բերել գաղտնալսման սարքեր եւ, հատուկ ծառայություններին զուգընթաց, ստեղծել են հատուկ ծառայություն պետության մեջ: Այդ բոլոր՝ չակերտավոր հատուկ ծառայությունները «սափրագլուխների» եւ «ախրանաների» տեսքով հայտնաբերվելու եւ ոչնչացվելու են: Բոլոր ապօրինի զինված խմբավորումները զինաթափվելու են: Այստեղից ես ԱԱԾ-ին, ոստիկանությանը հրահանգում եմ այս պահից իրականացնել ռեյդեր, օլիգարխների, բարձրաստիճան պաշտոնյաների թիկնազորներին պառկեցնել ասֆալտներին եւ զինաթափել բոլորին»:
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
Հրաժեշտի հանդիսավոր արարողություն ֆրանսիացի հարձակվող Անտուան Գրիզմանի համար
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
Մասիսում հրդեհի հետևանքով կան զnհեր ու վիրավորներ
ԱՄՆ-ն համաձայնել է սառեցնել Իրանի դեմ պատժամիջոցները.Tasnim